Опозіція крітікує новелізацію закона о безпрофітовых орґанізаціях з ініціатівы коалічной SNS. Вызывать на знятя новелы із засіданя Народной рады. Опозічны представителі о тім інформовали у віторок. Подля опозіції така новела пошкодить фунґованя безпрофітовых орґанізацій, засягне то вшыткых, тісячі серьйозных орґанізацій, котры помагають там, де держава є неспособна. Маріян Чаучік із KDH звернув увагу і на то, же бракує діскусія з безпрофітовыма орґанізаціями о рихтованых змінах. Рух Progresívne Slovensko означів новелу за шкодливу і хоче зробити вшытко про тото, жебы не перешла. Лібералы із SaS говорять в повязаню із новелізаційов о застрашованю крітіків. Пропозіцію крітіковали і депутаты клубу Slovensko, Za ľudí, KÚ. Новелов про безпрофітову орґанізацію, котра має приєм над 35 тісяч евр за рік, має запровадити пся овинность выпрацовати документ о транспарентности. Має ся ньов запровадити і релуґація лобінґу.

(Медвідь, TASR)