Председа Пряшівского самосправного краю Мілан Маєрьскый в понедільок 1-го марца підписав вєдно із ректором Пряшівской універзіты Петром Коньом Рамковый договор о забезпечіню практікы про універзітных штудентів. Сіґнатарі тым надвязали на сполочный меморандум сперед двох років, котрый приніс розвиток актівностей в области школства, реґіоналной і народной културы, сполоченьского жывота і меджінародной співпраці. Новый договор має уможнити і забезпечіти практіку штудентів Пряшівской універзіты в орґанізаціях крайской самосправы.

(Медвідь)