x

Премєр: Кедь буде треба, посилниме капаціты НАТО на выходній граніці

00

Покля буде в інтересі безпечности Словакії і Европы треба посилнити воєньскы капаціты НАТО на нашій выходній граніці, Словацька републіка то зробить. В понедільок о тім інформовав премєр Едуард Геґер на соціалній сіті. Подля премєра в НАТО платить, же єден за вшыткых і вшыткы за єдного, што є за його словами ґаранційов міру в Европі. Вояци НАТО подля Геґера будуть на выходній граніці в згоді з безпечностнов і обороннов стратеґійов. Словацькый премєр підкреслив, же якраз на то маєме такы документы як споминана стратеґія, жебы сьме ся знали в меджінародных огрожінях правилно орьєнтовати і адекватно на них реаґовати.

(Медвідь, TASR)