Містнa орґaнізaція Русиньской оброды в Меджілабірцях у співпрaці з містом Меджілабірці вас сердечні позывають на подію День Русинів – 2020, котра ся одбуде 12-го юна 2020-го року в Меджілaбiрцях. Акція є реaлізовaнa з нагоды ослaв Дня Русинів нa Словaкії і 30-го юбілею Русиньской оброды на Словеньску. Стріча зачне о 15.30 год. перед Містьскым урядом, одкы піде мaніфестaчный поход містом ку будинку Дому културы, на котрім ся находить памятна табла 1-го Світового конґресу Русинів. Ту, перед таблов орґанізаторы одкрыють свято – День Русинів за звучаня русиньской і словацькой гімны. Окрем поздравных приговорів чекать на участників події і културный проґрам – русиньскый спів і декламація молодых школярів і гостів. На акції  можете спознати, але і купити русиньскы сувеніры – книжкы, трічка і т. д. Почас одбываня акції треба дотримовати гіґєнічны наряджіня (рушка і потребны одступы меджі участниками). Меджілабірці суть тым вызначным містом, де перед 30 роками выникла Русиньска оброда, де ся одбывав єй першый сейм і 1-ый Світовый конґрес Русинів. (А. Кузмякова)