В семых пунктох ідеме в напрямі к договору, інформував по їднаню з Лікарьскым одборовым здружіньом (LOZ) премєрь Едуард Геґер. Додав, же договор стоїть на осьмім пункті дотуляючого ся заробітків. Як сконштатуав Геґер, “в тім часі, кедь рішыме енерґетічні крізу, высоку інфлацію, понука 309 міліонів евр, то значіть достати ся на уровень чеськых заробітків, є барз щира“: Лікарїв просить о стягнутя выповідей. Міністер фінанцій Іґор Матовіч повторюючо потвердив, же понука на звышіня заробітків аж о 35 процент є фінална. Днесь 23-го новембра очікує од лікарїв дефінітівну одповідь. Попередив, же одборарї тырвають на звышіню о 59 процент і по 1-ім децембрі мать платити пожадавка зо звышіньом аж о 100 процент. Міністер здравотницьтва Владімір Ленґварскый доповнив, же продовжують дальшы їднаня, на котрых будуть снажыти ся доладити технічны детайлы.  (TASR, Pkf)