В Народнім парку Полонины выникне нова турістічна стежка. Цільом є злеґалізовати навщівы природной резервації Ґаздорань і уможнити выгляд на водный резервоар Старина. Про ТASR то потвердила Мартіна Власакова зо Справы НП Полонины. Пропонована турістічна стежка поведе із села Прислоп. Цілкова довжка той трасы є приблизно 7 кілометрів, абсолвованя ся одгадує на дві аж три годины. Траса є подля Власаковой выняткова з ґеоморфолоґічного, ботанічного і гідролоґічного погляду.

(Медвідь, TASR)