x

Вучіч оцінив Путіна за посилньованя сербской армії

00

Сербскый презідент Александар Вучіч в понедільок подяковав свому російскому колеґови Владимірови Путінови за дары в подобі танків і іншой автомобіловой технікы в часі, коли має Запад страх, же посилньованя сербской армії може огрозити мір на западнім Балкані. Інформовали о тім аґентура Associated Press і сервер B92. Вучіч за дары оцінив Путіна почас переглядкы десятьох воєньскых авт тіпу BRDM-2, котры недавно Сербії даровала Москва. Сусідня Румунія в пятніцю заблоковала довоз технікы до Сербії, кедь не дала позволіня на транзіт по Дунаї. Арґументовала меджінародныма санкціями з причіны конфлікту на Україні. Москва наконець техніку до Сербії дістала за помочі летадел. Подля Вучічовых слов бы мала Сербія до кінця рока іщі дістати гелікоптеры як і далшы танкы.

(Медвідь, TASR)