Америцькый презідент Джов Байден у четверь підписав дочасный план, котрый мать забранити заставлїню фінанцованя владных інштітуцій – тзв. шатдавну. Тым кроком так посунув бой з републіканами о приятя федералного розрахунку на зачаток будучого рока, інформовала о тім днесь аґентура AP. Дочасный план о выдавкох схвалили  тот тыжден Сенат і Сеймовня репрезентантів америцького Конґресу. Байден схваленый план підписав в Сен Френціску, де актуално гостить саміт Азійско-тихоморьской господарьской сполупраці, причім так зробив лем день перед потенціоналным шатдавном. Схваленый план додавать америцькым законодарцїм веце часу на далшы діскусії о заіщіню фінанцованя влады на цїлый наслїдуючій рік.

(TASR, Шутіова)