Меморандом о співпраці підписали в понедільок 26-го септембра 2022-го року обчаньскы здружіня Автосрада на Зепмлін (Diaľnica na Zemplín) і Наш Пряшів (Náš Prešov) з Кошыцькым самосправным крайом і Пряшівскым самосправным крайом. Меморандум має служыти на коордінацію актівностей прямованых на выбудованя автострады D1 по граніцю з Українов, як і добудованя експресной драгы R4 по граніцю з Польщов. Аґентуру TASR о тім інформовав председа обчаньского здружіня Автострада на Земплін Петер Баторі. Співпраца дотулять ся і выпрацованя пропозіцій на леґіслатівны зміны підтримуючі процес приправ будованя інфраштруктуры драг. „Так хочеме одказати компетентным представителям нашой державы, же цілый выход спаять ся, і же будеме довєдна бороти ся за автострады на выход,“ повів Баторі. На робочій стрічі так само выменовали Раду самосправы при обчаньскім здружіню Автосртада на Земплін, котра буде новым порадным орґаном обчаньского здружіня. Членами рады стали пріматоры окресных міст і выбраны старостове сел з реґіону, котрого ся то дотулють. Мають повнити роль реґіоналных лідерів і забезпечіти тым ліпшу коордінацію роботы і актівностей пряменых ку будованю автострады на Земплін. (ЛЕМ.ФМ, Пкф)