Пряшівскый самосправный край (PSK) гледать главного контролора. Інтересуючі можуть посылати приглашкы до 24-го януара. Крайскы посланці одобрили выголосіня його вольбы на своїм посліднім засіданю.  Пресову аґентуру TASR о тім інформувала Леа Геілова з одділіня комунікації і пропаґації Уряду Пряшівского самосправного края. Дослугуючому главному контролорові Йозефові Гудакові, котрый є у  функції од 2014-го року, заникать функчный період 19-го фебруара. Пряшівскый самосправный край прото выголосив день конаня волеб главного контролора  PSK. Крайскы посланці будуть волити главного контролора тайным голосованьом на своїм першім засідані в тім року , а то 10-го фебруара. Кандідати на функцію главного контролора PSK мусять мати закінчену высокошколску освіту першого ступіня економічного, правницького або технічного напряму. (TASR, Pkf)