Америцькый презідент Доналд Трамп хоче зачати стяговати вояків з Авґаністану перед презідентьскыма вольбами в США в році 2020. Выголосив то в понедільок америцькый міністер загранічных діл Майк Помпео. Трамп єднозначно подля Помпеа повів, же хоче закінчіти тоту „безконечну войну“ і зменшыти воєньску присутность. Аґентура AFP припоминать, же Трамп перед презідентьскыма вольбами в році 2016 обовязав ся, же стягне вояків і закінчіть найдовшу войну Америкы. Но по перевзятю функції быв согласный з посланьом іщі веце вояків і теперь є їх в Авґаністані приблизно 14 тісяч. США в остатніх місяцях їднають з Талібаном з цільом досягнути мірный договор о закінчіню 18-річной войны.

(Медвідь, TASR)