Презідентка СР Зузана Чапутова уж повірила міністра обороны Ярослава Надя підписати оборонный договор із Споєныма штатами Америкы. Повіріня на основі пропозіції влады підписала минулу пятніцю. Про TASR то потвердив їй говорця Мартін Стріжінєц. Підписаня договору ся очекує в четверь 3-го фебруара. До Споєных штатів зато іде словацька делеґація на чолі із міністром обороны Ярославом Надьом, і міністром загранічных діл Іваном Корчоком. Проти оборонного договору протестовала опозіція, котра арґументовала можностьов присутности амерцькых вояків і основаня америцькых воєньскых баз на словацькій теріторії по підписі договору. Влада єднозначно высловльовала ся, же будьяка присутность чуджіых вояків на Словакії мусить і по договорі быти схвалена владов і парламентом.

(Медвідь, TASR)