Посланцї Народной рады СР сі у четверь підвечур припомянули День Европы. В пленї звучала словацька і европска гімна. Стало ся так на пропозіцію підпредседу парламенту Михала Шімечку (PS).На значіня Дня Европы повказало і Здружіня міст і сел Словакії. Ёго председа Йосиф Божік увів, же Европска унія не є лем о фінанчій підпорї, але і солідарітї а кооперації меджі містами і селами. Повказав на потребу інтеґрації, підкреслив і значіня еврофондів. ,,В тот день, котрый положыв основы нашій сучасній ЕУ, сі припоминаме годноты, котры нас споїлі а ведуть нас допереду, годноты, як демокрація, людьскы права, слобода і мір,“ сконштатовав. День Европы одказує на декларацію французьского міністра загранічных дїл Роберта Шумана, котру представив 9. мая 1950.

(TASR, Шутіова)