Русиньска оброда на Словеньску зорґанізовала через вікенд подію під назвов Народный выступ Русинів на град Маковіця, котрый ся одбыв в суботу, четвертого септембра. Зачаток выступу быв в селі Довга Лука в окресі Бардейов. На град мож было выйти піше, але про старшых участників была забезпечена кывадлова доправа аж на град. На Зборовскім граді чекав на участників богатый културный проґрам – бісіда, промітаня філмів, выстава і многы іншы актівности. Співорґанізаторами акції были село Зборів і Здружіня на захрану Зборівского граду, як і орґанізація молоды Русины. (АК)