Словацькый водогосподарьскый подник (СВП) приготовлює в Кошіцях на рїцї Горнад далшы протиповоднёвы превентівны крокы. На їх реалізацію выголосив повторюючо верейне обстараваня, а то з передпокладанов годнотов 6,63 міліона евр без ДПГ. Іде о асі двокилометрову часть правого берегу Горнаду в містьскых частях Север і Старе Місто. Передпокладаный зачаток ставебных робот є першый піврік 2022. СВП не передпокладать выразнїше транспортне обмеджіня. Обмеджіня будуть мати повязаня з рушанём ставебных механізмів. Легота на закончіня ставебных робот є 12 місцяцїв, інтересуючі о заказку можуть передкладати понукы актуално до 30. септембра.

(TASR, Шутіова)