Споєне кральовство веде прямы їднаня з афґаньскым рухом Талібан о забезпечіню безпечного одходу британьскых штатнаых членів з Афґаністану і Афґанців, котры там про Бритів робили. Ознамила то у вівторок вечурь британьска влада, інформувала аґентура Reuters. Окремый заступця премєра Боріса Йогнонсона про Афґаністан Сімон Ґасс оддыйшов до катарской метрополы Дауга, абы ся там стрітнув зо заступцями Талібану, увів у выголошіню говорця британьской влады. Місія Брітанії ся скінчіла в суботу, кедь ся єй послідне воєньске летадло взнесло з метрополы Кабулу по евакуації веце як 15.000 людей в часі послідніх двох тыжднів, кедь Талібан перевзяв контролю над Афґаністаном.  (TASR, Pkf)