Автомобілка Яґуар Ланд Ровер зачне выробы в Стратеґічнім парку Нітра на осінь того рока, потвердив превадзковый директор сполочности Алехандер Вортберґ. На основі інформації робітників фірмы є термін зачатя выробы напланованый на 3. септембра. Нітрянскый завод буде вырабляти цілый ряд новых алумініёвых авт Яґуар Ланд Ровер, першым вырабляным моделом буде Ланд Ровер Діскавері. „До двох років бы сьме хотіли зачати вырабляти другый модел, але покы го небудеме шпеціфіковати,“ сконштатував Вортберґ. Яґуар інвестує до выствабы заводу на Словакії 1,4 міліярды евр, дальшых скоро 130 міліонів евр дала на выставбу заводу Словакія як штатну помічь.До кінця року 2020 планує автомобілка дати роботу 2800 робітникам. Середній місячный заробіток ся у кваліфікованых і выробных робітників буде крутити од 900 до 1800 евр. (ТАSR)

Фото: TASR