Америцькый презідент Доналд Трамп повів, же в найблизшых днях планує коментовати войну на Україні і свою намагу посередника про їй закінчіня, пише аґентура DPA. Його слова зазвучали на великодній ославі в загороді Білого дому як одповідь на вопрос, ці існує америцька пропозіція, же Україна мусить признати Крим за часть Росії. Росія окуповала півостров у Чорнім морі в році 2014 і пак го анектовала в незгоді з меджінародным правом. Трамп повів, же вшыткы детайлы повість в слідуючіх трьох днях, і додав, же мав барз добры стрічі о Україні і Росії. Трамп вызвав іщі в неділю Україну і Росію на компроміс із цільом досягнути мір, іншак бы Споєны штаты могли заставити свої намагы о закінчіня войны.

(Медвідь, TASR)