Европска унія є на пути до того, жебы Европа стала першым кліматічно невтралным контінентом до року 2050. Написав то на соціалній сіті Twitter чеськый премєр Петр Фіала в рамках стрічі світовых лідерів на зачатку 27-го засіданя конференції Орґанізації зъєдиненых народів о зміні клімату – COP27, інформує аґентура TASR. Подля Фіалы є потрібне пересвідчіти і мімоевропскы країны, жебы ішли тым напрямом. Чеськый премєр думать, же є то важне зато, жебы тото бремено не несли і не платили лем европскы країны, але і остатні. Чеськый премєр на конференції репрезентує і Европску унію. Має єднакый погляд як дакотры представителі держав, жебы богаты економікы помогли розвойовым країнам при переході на зелену енерґетіку.

(Медвідь, TASR)