Парламент ся буде занимати запроваджіньом 13-ой пензії в скороченім режімі. Вырішыли о тім депутаты у днешнім голосованю. За скороченый процес голосовало 76 депутатів, присутных было 85. За скороченый леґіслатівный процес голосовали клубы Smer-SD, SNS i ĽSNS. Неприсутны были депутаты партій SaS, Most-Híd, окрім депутата Едуарда Адамчіка, котрый голосовав за, і неприсутных было і веце незарадженых депутатів. При голосованю ся стримав клуб Sme rodina. 13-тя пензія має вымінити дотеперішній рождественный бонус. Право на ню мають мати вшыткы пензісты. Сумы будуть залежати од того, ці іде о класічну, передчасну, сиротьску, вдовецьку або інвалідну пензію. „В припаді, же буде мати поістенець право на веце пензійных давок, выплатить ся лем єдна 13-та пензія, тота, котрой сума є найвысша,“ пише ся в пропозіції закона.

(Медвідь, TASR)