x

На найближшый вікенд мать ПСК к діспозіції 5385 давок вакціны AstraZeneca

00

Наградників на очкованя в Пряшівскім краю мусить приголосити лікарь, бо жупа мать властный сістем. Очкованя продовжує і в надходячій вікенд в єднакім режімі у вшыткых трьох центрах. В Попраді і в Гуменнім ся буде очковати лем в суботу, в Пряшові і в неділю. Iнформовала о тім Даша Єленьова, говоркыня краю. На найближшый вікенд 27-го і 28-го марца мать жупа к діспозіції скоро пять тісяч штиристо давок вакціны AstraZeneca. Очкованя піде подля списку доданого Народным центром здравотницькых інформацій. В припаді увольніня капаціт жупа ословує наградників через властный резервачный сістем, до котрого можуть наградників приголосити лем амбулантны лікарі в змыслі платной выглашкы – повів председа Пряшівского самосправного краю Мілан Маєрскый. Aмбулантны лікарі можуть наголошовати за наградників лем паціентів з важныма діаґнозами, на котры їх лічать. Пряшівскый край планує отворити далшы велькокапацітны центра на очкованя. Од 10-го апріля бы мало фунґовати в Старій Любовні а од 17-го апріля і в Бардейові. (TASR, А. Кузмакова)