x

Меджілабірці отворять в септембрі нову школку

00

До новоставбы матерьской школы на Замочніцькій уліці в Меджілабірцях прийдуть першы діти в септембрі. Як про пресову аґентуру TASR повіла Андреа Луташова зо секретаріату пріматора, до новой школкы, котру місто выбудовало вдяка фінанчній підпорі Европского фонду реґіоналного розвоя і Міністерства внутра СР в рамках проєкту розвоя марґіналізованых комуніт, в септембрі наступить першых 20 дітей. Цілкова капаціта заряджіня є 100 предшколаків і подля Луташовой мать капацітні выстачіти. Меджілабірьска самосправа зачала проєкт будованя школкы про дітей з марґіналізованой ромской комуніты реалізовати кінцьом септембра 2017, скінченый быв в 2019-ім році. Цілковый кельчік на єй выставбу быв 800.000 евр. Уряд влады СР на ню приспів дотаціов в сумі 236.000 евр. (TASR, Pkf)