Непарламентна партія Progresívne Slovensko мала на кампань знеужывати конто презіденткы Словацькой републікы Зузаны Чапутовой на соціалній сіті. Їх політічна реклама мала быти подля Transparency International Slovensko цілена і на любителів той сторінкы. Партія реаґовала тым, же має права робити з даныма зозбераныма почас кампані презіденткы. Презідентьска канцеларія подля говорцю презіденткы Мартіна Стріжінця не знала, же бы доходило ку ціліню політічной рекламы на любителів сайту презіденткы.  Подля говорцю никому не дали приступ ани згоду. Покля ся то стало, презіцентка то бере за неетічне.

(Медвідь, TASR)