x

Румуны знова протестовали проти корупції

00

Стовкы Румунів в понедільок протестовали в Букурешту, місяць по тім, што протест проти корупції змінив ся на ґвалт, при котрім было зраненых 450 людей. Поліція втогды твердо закрочіла проти демонштрантів. Демонштруючі в понедільок зышли ся перед Урядом влады і в руках тримали флаґы Румунії, Европской унії і Споєных штатів Америкы. Меншы протесты, як інформовала аґентура Associated Press, одбыли ся і в іншых містах. В Румунії орґанізують ся протесты реґуларно од 2016-го року, коли у выборах перемогла лівіцьова Соціалнодемократічна партія і спустила спорну реформу юстіції.
(Медвідь, TASR)