Приближні міліон людей ся вчера зыйшло в Барцелоні, абы з нагоды Народного дня Каталанска проявили підпору незалежности свого реґіону од Іспанії. Каталанці собі каждый рік 11. септембра припоминають свій народный день, знамый як „День“, з нагоды паджіня Барцелоны до рук іспаньскых сил в 1714 року. Од року 2012 ся в тот день одбывають могутны походы за незалежність Каталанска. Тот рік ся очікувало вынятково велике чісло участників, протоже 1. октобра буде перше вырочя контраверзного референдума о незалежність, котре іспаньскы орґаны выголосили за нелеґалне.
(TASR)
Фото: TASR/AP