Російскый плiн в році 2025 представував про Словакію лем єдну третину цілковых додавак пліну. Увела то в недільній релації телевізії ТА3 „В політиці” міністерка господарьства Деніса Сакова в діскусії з опозічным посланцьом Маріяном Віскупічом, підпредседом Выбору Народной рады СР про фінанції і розрахунок. „З російского контракту сьме мали всередині лем 33 % до кінця октобра од зачатку януара. Аж 67 % пліну маме з діверзіфікованых жрідел, котры до нас ідуть з іншых трас і од великых світовых грачів,” приближыла Сакова. Міністерка пояснила, же ак СР бере російскый плін на основі контракту з Ґазпроном, ціна пліну іде од ціны на європскій бурзі, і то значіть є подобна як у решты додавателів.‟ (TASR, Пкф)