Місто Стропків хоче вступити до меджінародного здружіня Карпатьскый еврореґіон з резіденціёв в Польскім Жешові. На остатнім рокованю вступ схвалили містьскы посланцї. Самосправа од нёго очекує новы черезгранічны можности. Як TASR інформовав говорця міста Стропків Петер Новак, місто буде прияте по рїшіню орґанів здружіня. Як повів, з понуков їх ословив Карпатьскый еврореґіон. В Польщі пособить уж скоро 30 років і ёго членами суть самосправы з области Підкарпатьского войводства і Малопольского войводства. В роцї 2020 ся зреалізовала зміна станов здружіня, дякуючі котрій могло здобыти штатут черезгранічной правницькой особы. Уможнило то, жебы ся ку орґанізації припаяли загранічны особы а субєкты. Найважнїшым проєктом є подля Новака вытворїня і пропаґованя карпатьской значкы Carpathia i єй сеґментів Hiking, UNESCO, Vine ці EtnoCarpathia.

(TASR, Шутіова)