Народна банка Словакії выголосила публічный анонімный конкурз на вытварну пропозіцію скулптуры Імріха Карваша в екстерьєрі будовы НБС. Такым способом хоче оддати честь вызначній словацькій особности професора Карваша, котрый быв вызначным словацькым економом, народогосподарьом, правником, высокошкольскым педаґоґом і публіцістом. Карваш быв меджінародно признаваным фаховцьом у валутовій области. Быв пересвідченым гуманістом і патріотом, і до історії записав ся як першый ґубернатор Народной банкы.

(Медвідь, TASR)