Ехпосланець за ĽSNS Мілан Мазурек, котрого в септембрі правоплатні одсудив тройчленный сенат Найвышшого суду СР, днесь заплатив піняжный трест у вышкі 10.000 евр. Пресову аґентуру TASR о тім інформувала  говоркыня Шпеціалізованого трестного суду в Пезінку Катеріна Кудйакова. Мазурек противостоїть обжалобі з провініня ганобліня народа, расы і пересвідчіня і вєдно з тым обжалобі з побурёваням, ганобліня і выгражаня ся особам про їх приналежність к дакотрій расі, народу, націоналности, фарбі лиця, етнічній ґрупі ці походжіня роду. Причінов были і його ганливы высловы на адресу ромского етніка, котры мають расістічный характер, опублікованы в октобрі 2016-го року в Радію Frontinus. (TASR, Pkf)