Мадярьска влада схоснує вшыткы средства на то, жебы не было уближене членам мадярьской комуніты жыючой на Словакії. Ку вопросу закона о кріміналізації спохыбньованя Бенешовых декретів то подля аґентуры MTI повів у понедільок в Бруселі мадярьскый міністер загранічных діл Петер Сійярто. Мадярьска влада подля міністра сітуацію аналізує і конзултує із словацьков владов. Сійярто повів, же так як в попередніх 15-ох роках буде народна влада далше давати підпору вшыткым мадярьскым комунітам за граніцями. Словацькый парламент минувшый тыждень схвалив новелізацію Карного закона, котрый окрем іншого запроваджать карну одповідность за „спохыбньованя повойновых документів ку упорядкованю обставин по Другій світовой войні на Словакії“.

(Медвідь, TASR)