Европска комісія (ЕК) вчера представила ініціатіву з назвом Европскый щіт демокрації, котра подля ньой принесе серію наряджінь на посильніня і охрану демократічных сістем в членьскых штатах Европской унії. Єй цілём є окрім іншого охранити вольбы перед загранічным засaганям і посілнити слободу медій в рамках блoку, інформує пресаґентура TASR. Подля Комісії мають пропонованы наряджіня посилнити сполочну способность Унії противостояти маніпулаціям з інформаціями і дезінформаціям, як і звышыти одолность сполочности через коордінованый приступ заложеный на сполочній роботі членьскых штатів. Ключовов частьов ініціатівы є вытворіня Европского центра про демократічну одолность, котрый буде коордіновати бой проти гібрідным і дезінформачным атакам зо заграніча. (TASR, Пкф)