Британьска премьєрка Тереза Мейова ся звернула з просьбов в неділю на посланців, абы акцептовали  єй догоду о одході з Европской унії і підкреслила, же в ставкі є віра в демокрацію. Інформувала о тім аґентура АП. Перед рішуючім будучотыждньовым голосованям вызвала в новинках Sunday Express посланців, абы „зробили, што є справне про країну“, протоже одмітнути желаням народа бы было „катастрофалным і неодпущуючім нарушіням довіря в нашу демокрацію“.