Україньскый презідент Петро Порошенко підписав декрет о закінчіню Договору о приятельстві, співпраці і партнерстві меджі Українов і Російов. Інформовало о тім в понедільок у выголошіню пресове одділіня презідентьской канцеларії, з котрого цітовала аґентура УНІАН. Порошенко декрет підписав на основі рішаня Рады народной безпекы і обороны Україны із 6-го септембра того року. Договор быв підписаный обидвома дежавами в році 1997. Державы втогды офіціално признали свої граніці і укріпили прінціпы стратеґічного партнерства і решпектованя теріторіялной цілости, што было анексійов Крыму і войнов на Донбасі порушене.
(TASR, Медвідь)