Америцькый презідент Доналд Трамп є притовленый помочі председови мадярьской влады Вікторови Орбанови ку успіху. Мадярьскый успіх є америцькым успіхом, а тоты односины суть і америцькым інтересом, выголосив міністер загранічных діл США Марко Рубіо в понедільок в Будапешті на пресконференції із Орбаном. Америцькый презідент має подля Рубія барз добре і близке одношіня з мадярьскым премєром, што має реалны выгоды. „Будучность залежыть од воличів, любиме Мадярів. Меджі обидвома лідерами суть барз добры особны і робочі односины,“ підкреслив шеф америцькой діпломації. Орбан повів, же запрошіня презідента Трампа на навщіву Мадярьска платить. Мадярьско в апрілю чекають парламентны вольбы. В сондажах довгодобо веде партія TISZA опозічного лідера Петра Мадяра. Fidesz Віктора Орбана не програв вольбы од 2010-го року, по 16-ох роках Орбанови грозить, же не буде зоставльовати нову владу.

(Медвідь, TASR)