Польща бы з оглядом на грозьбу, котру представлює Росія, мала мати свій властный ядровый проґрам, повів польскый презідент Карол Навроцькый. „Путь ку польскій ядровій капаціті – при вшыткій почливости ку меджінародным приписам – є путь, котров бы сьме мали іти,“ повів у неділю вечур про станіцю Polsat News. Польскый презідент, означованый за правіцьово орьєнтованого, є єдночасно головным командантом польскых озброєных сил. Країна має земску граніцю з Українов і Білорусьов, союзником Москвы. Кедьже Польща находить ся прямо на граніці озброєного конфлікту, безпека країны бы мала быти посилнена проґрамом ядровой зброї, арґументовав у розговорі презідент з тым, же не повів, коли бы ся міг такый проґрам в Польщі почати реалізовати.

(Медвідь, TASR)