Чеськый міністер загранічных діл Петр Мацінка буде брати участь на першім засіданю Рады міру в Споєных штатах, котре одбуде ся в четверь. В понедільок то потвердив говорця чеського резорту діпломації Адам Чорґо з тым, же Мацінка буде на засіданю в ролі позорователя. Сервер Seznam Zprávy інформовав, же Мацінка до Споєных штатів одыйде в середу. Редакції повів, же на засіданю буде заступати премєра. Якраз чеськый премєр Андрей Бабіш на початку фебруара повів у телевізії Nova, же Чеська републіка актуално о вступі до Рады міру не роздумує. Перед тым бісідовав, же хоче позіцію ку тому новому орґану коордіновати із остатнім державами Европской унії.

(Медвідь, TASR)