Іґор Матовіч ся по демісії  у своїм выступліню розличів з функційов премєра. Оцінив в нім, же Словакія в часі його діяня пережыла найтяжшый рік од другой світовой войны. Єдночасно высловив пересвідчіня, же “сьме за верьхом і буде лем і лем ліпше“.  Пресаґентуру TASR о тім вчера  інформував пресовый і інформачный одбор Уряду влады СР. Обывателів попросив Матовіч “о пережываня денноденных радості і добра“ і їх роздаваня. “Бо лем так ся знаме з того тяжкого періоду достати,“ повів у відеу. Сконштатував, же минулый період небыв легкый про обывателів ани про нього. Підчеркнув, же цілый час мав лем єдиный ціль – “хранити жывоты і здравя“. (TASR, Pkf)