Міністерство праці, соціалных справ і родины СР(MPSVR SR) представило новый проєкт помочі незаместнаным заміряный на едукачны і рекваліфікачны курзы. Проґрам Зручности про торг праці за 42 міліонів евр  фінацованый з Европского соціалного фонду бы мав помочі скоро 40.000 людям, інформував о тім міністер праці, соціалных справ і родины Ерік Томаш. Основнов змінов проти минулости подля Томаша є, же подобны проґрамы были частьов злоужываня і школили множество людей про різны професії і області, котры небыли потрібны. По новім буде потребы професій в єднотливых крайох кажды три місяці актуалізувати Аліанція секторовых рад. Резорт праці інформував окрім іншого і о тім, же споминаный проєкт зачне од 8-го апріла на одповідаючіх урядох праці, соціалных справ і родины, котры кажду жадость індівідуално посудять. (TASR, Pkf)