Парламентны вольбы бы в марці выграла партія Smer-SD з підпоров 23,4 процента воличів. На другім місці бы была партія Progresívne Slovensko з 20,8 процентами, на третім Hlas-SD з 17,1 процентами. Выходить то з баданя аґентуры Ipsos про Denník N, реалізованого од 12-го до 16-го марца на взорці 1038 респондентів. До парламенту бы іщі дістала ся партія SaS із 6,3 процентами, KDH із 6,2 процентами, а рух Republika, котрому бы дало голос 5,3 процента людей. До парламенту бы не перешла коаліція Slovensko, Kresťanská únia і Za ľudí. І кедь бы здобыла 5,6 процента, не досягла бы сімпроцентне кворум пожадоване про коаліції. До парламенту бы ся не дістала ани SNS, котрій бы дало голос 4,2 процента воличів.

(Медвідь, TASR)