Гасічі у звязку з нежычливов поветерностов сітуаційов зреалізували затля 114 выяздів. Пресаґентуру TASR о тім інформувала Катаріна Кріжанова з комунікачного одділіня Презідія Гасічского і захранного збору  (HaZZ). Приближыла, же найважніша сітуація є того часу в Тырнавскім краю, де была їх поміч потрібна при 50 пригодах, з того аж 41 засягували в окресі Дунайска Стреда. В Банскобыстірцькім краю гасічів выслали к 27 пригодам, при котрых ліквідовали наслідкы переторгнутя хмар. В Братіславскім краю засягували 14 разів, в Нітряньскім краю были высланы к 13 пригодам і в Жілінскім краю была їх поміч потрібна вісем разів. (TASR, Pkf)