Іспанія в понедільок інформовала, же тот тыждень планує до войнов зниченого Пасма Ґазы літаками зошмарити приблизно 12 тон потравин, інформує аґентура AFP. Премєр Педро Санчез на пресконференції інформовав, же до палестіньской енклавы го будуть транспортовати із Йорданії в пятніцю літакы іспаньской авіації. „Голодмор в Ґазі є ганьбов про ціле людьство і його заставліня є зато нашым моралным приказом,“ повів Санчез. Міністерство обороны інформовало, же 12 тон потравин доручать в рамках операції подобній марцовій додавці, коли Іспанія до Ґазы додала 26 тон потравин. Аґентура AFP припоминать, же Іспанія належыть ку найвекшым крітікам ізраільской офензівы в Пасмі Ґазы і плановану операція назвала цінным прикладом того, як европска держава приєднує ся ку країнам Близкого выходу в авіатічных додавках потравиновой помочі.

(Медвідь, TASR)