Америцькый презідент Дондалд Трамп в понедільок выголосив, же скоротить 50-дньову леготу, котру дав два тыждні тому Росії на закінчіня войны на Україні. Споєны штаты мають в припаді їй недотриманя подля Трампа дати 100-процентны цла на бізнісовых партнерів Москвы. Шеф Білого дому повторив, же є скламаный з діяня російского презідента Владиміра Путіна, пишуть світовы аґентуры. Трамп о тім інформовав перед їднаньом з брітаньскым премєром Кеіром Стармером у своїм луксуснім ґолфовім резорті в шкотьскім Турнберрі. Презідент твердить, же з Путіном были близко ку підпису переміря на Україні уж пятьраз, но Путін пак далше атаковав ракетами Україну. Америцькый презідент уж 14-го юла в Білім домі высловив неспокійность з російскым презідентом і остерігав Москву, же покля не закінчіть войну до 50-ох днів, дасть на їй бізнісовых партнерів цла на уровни 100 процент.

(Медвідь, TASR)