x

Данко хоче запросити на стрічу представителів Бенелуксу

00

В часі презідії Словакії у Вышеградьскій ґрупі хоче председа словацького парламенту Андрей Данко запросити на стрічу представителів Бенелуксу. Як повів, стіча має быти заміряна на то, жебы собі ґрупа В4 взяла од Бенелуксу тото найліпше в области контрольных механізмів. Данко то повів по вчерашній робочій навщіві на Найвысшім контрольнім уряді Словацькой републікы. За словами председы Народной рады є незраховательне множество справ, котры коло черьпаня еврофондів на окремых міністерствах мусять змінити ся. Так само є про нього важным, жебы Словакія не бояла ся інштітуціалізовати співпрацу Вышеградьской штиркы. За його думками суть державы В4 навчены бояти ся і тема міґрації тоты державы дістала до позіції молодшых братів, котры мають іншакый погляд. Словакія зачне свою презідію в ґрупі В4 в юлі того року.
(Медвідь, TASR)