Православны християни вчера славили Квітню неділю. В часі того дня собі припомянули вступ Ісуса Христа до Єрусалима. Жыдовськый народ вітав Христа в Єрусалимі як Месіяша, але через пару днів його арештовали, збічовали, понижыли і, наконець, обісили. Богослужіння в тот день підчеркує то, же Ісус Христос є Сином Божым, Спасительом і Выкупітельом людського роду, але Його Царство не є з того світу. У православних церквах на честь споминаного свята посвячують пальмовы конарикы, у нас на Словакії – главні верьбове прутя, котре собі потім віруючі несуть домів. Днесь, в понедільок (29-го апріля) по Квітній неділі у православних зачав ся такзваный Великый або Страсный тыждень, што представлює події жывота Христа за кілька днів до його розп’яття.  (TASR, Pkf)