Америцькый презідент Доналд Трамп подля дакілько дежерел інформачного порталу NBC News має роздумовати о атаці на Іран. Лідер Споеных штатів на засіданю америцькой Рады про народну безпеку мав бісідовати о дакілько можливостях включно авіа атак. Засіданя Рады про народну безпеку тырвало у віторок приблизно годину і 20 минут. Білый дім безпосередно по кінцю не прозрадив жадны детайлы о його проходжіню. Найправдоподобнішым сценарьом бы подля аґентуры AFP могло быти выхоснованя америцькых бомб проти іраньского ядрового заряджіня на збогачованя урану Фордов, котре находить ся мімо досягу ізраільскых сил. Споєны штаты суть близкым союзником Ізраіля, но адміністратіва Трампа дотеперь акцентовала, же на боях меджі Ізраільом і Іраном не бере участь.

(Медвідь, TASR)