Вышній Мірошов мать нове мултіфункчне гріско з умелым травником  і потрібнов  шпортовов выбавов. Проєкт выбудованя споминаного гріска підпорив Пряшівськый самосправный край (ПСК) дотаційов з Вызвы про реґіон. Крайска дотація представує высше 21-тісяч евр. В селі Вышній Мірошов в Свідницькім окресі ся такым способом выбудовало гріско про такы шпорты як  мініфотбал, ногейбал, баскетбал, теніс і волейбал. Проєкт мултіфункчного гріска в селі приніс єй обывательом звышіня якости шпортовых условій, што ся одразило в їх звышенім інтересі о шпорт. У Вызві про реґіон і єй проґраму заміряному на выбудованя і реконштрукцію шпортовиск в Пряшівськім краю успіло в року 2022 вєдно 52 жадателів, меджі котрых ПСК перерозділив скоро 2,2 міліонів евр. (TASR, Pkf)