Америцькый презідент Доналд Трамп достане на стіл рекомандацію о додавках протитанковых стріл українскій владі. Мають помочі Кієву одразити аґресію пророссійскых сепаратистів на выході державы, інформувала о тім телевізя АБЦ с одкликаням ся на неозначеного представителя америцького міністерства заграничных діл. Рада народной безпечности дала зелену ґрантовому пакунку у вышкі 47 міліонів доларів про українску владу на накуп америцькой обранной зброї вєдно протитанковых рядженых стріл. Пропозицію але мусить одобрити Конґрес і Трамп. Односины меджі Россійов і Западм ся выразно погіршали по россійскій анексії українского півострова Крим в марці 2014 року і наслідній підпорі пророссійскых сепаратистів в Донбасі. Конфлікт сі выжадав уж высше 10.000 жертв на жывотах.
(Петро Кімак-Фейко)