Презідентка Словацькой републікы Зузана Чапутова уділить державны нагороды з нагоды 28-ой річніці взнику СР 27-го юна. Передаваня державных нагород мало одбыти ся в януарі, но про пандемічну сітуацію то не было можливе. Аґентуру TASR о тім інформовав говорця презіденткы Мартін Стріжінєц. „З оглядом на зліпшіня сітуації і поступне увольньованя обмеджінь в попередніх днях вырішыло ся о новім терміні,“ уточнив говорця. Додав, же презідентка оцінить 24 особностей з різных областей сполоченьского жывота. Святочна церемонія одбуде ся в будові Словацькой філгармонії.

(Медвідь, TASR)