Папа Лев XIV. у четверь презідентови СР Петрови Пеллеґрініму у Ватіканї тлумочів, же бы хотїв занедовго навщівити Словеньско. Увела то голова штату на пресовім бріфінґу по особній авдіенції у Святого Отця. Як додав, надїять ся, же ся то подарить а же папу привітаме до дакількых років, може до єдного або двох. ,,Святый Отець нам одказує, або нам говорить, же занедовго бы хотїв навщівити СР. То єм барз несподїваный. Неговорю, же то буде такой, затоже го теперь чекають великы апоштольскы навщівы в Африцї, мусить іти до Латиньской Америкы. Кедь го зацітую, точно так, як сі то памятам, повів, же занедовго бы ся міг появити на Словакії а прийти на навщіву ку нам. То є барз позітівна справа,” повів презідент. Як Пеллеґріні зарівно додавать, думать сі, же то, же ся на Словакії много людей голосить ку вірі, робить зо СР державу, котру бере Свята століця за важну. Особна авдіенція у папу тырвала 45 минут. Святый Отець Словакім подля Пеллеґрініго слов одказав, жебы меджі собов ставляли мосты, не муры.

(TASR, Шутіова)