Грекокатолицька церква на Словакії днесь собі припоминати 75-ту річницю од зреалізуваня Акції П (Akcie P). В салі Чорного орла в Пряшові 28-го апріла 1950-го року під тактовком комуністичной партії і Штатной безпекы одбыв ся тзв. Пряшівскый собор. Ішло о допереду наінсценованый мітінґ, наслідком котрого была Грекокатолицька церква в Чеськословеньску поставлена поза закон. TASR о тім інформовав говорця Пряшівской архієпархії Міхал Павлішіновіч. На соборі быв приятый допереду приправленый маніфест з одобріньом, подля котрого ся грекокатолицькы віруючі вертають до Православной церкви і єдночасно ся маєток Грекокатолицькой церкви перевів на Православну церкву. (TASR, Pkf)